Rruga e mbarë bijëza ime

Me zogjtë e vjeshtës,
Po shtegton bija ime .
Avjoni u ngrit mbi re .
Mundohem të mos lëshoj pikë loti ,
por mallin në çast po e ndjej .

Si destinacion në tokën Amerikane do hedhësh hapin .
Një jetë e re të pret ,larg atdheut tënd .
Nga pas pëllumbat e paqes ju ndjekin.

Ti ishe puthja ime ,
e mëngjezit dhe mbrëmjes
,ishe diell që sëbashku ngjiteshim e zbrisnim në kupë të qiellit,
me dlirësinë e njëra – tjetrës .

Zoti ju bekoftë princesh,
Se jeta është e bukur nëse përpiqeni .
Lumturia le t’ju shoqërojë gjithmonë pa asnjë pengesë .

Në retë e grinjta u fsheh avioni .
Sytë e mi rendin nëpër qiellin e pa anë ,
Ndoshta kapin për një çast avionin e stërmadh .

Mëngjezi zbardhi
Lindja e diellit fashiti çdo figurë në qiell .
Solli veç oksigjenin e jetës .

Rruga e mbarë bijëza ime !

Sherife Allko
25.09.2024