ALFA E OMEGA JE TI
Sa pak duhet, sa pak,
Veç një fjalë ku parfumon jetë,
E shpirti gjen lumturinë.
Dora e Prometheut zgjatet e hap çarkun e safarit,
E të jep bekimin
E gjithë qenia gjen rizgjimin.
Nuk ka rëndësi
Në ka moti re apo shi,
Qielli ndriçon me hënë e yje,
E dielli me rreze shkëlqen në zemër t’shpirtit,
E jeta të merr përdore prapë,
Me shpresë të avitet nga larg,
E mbështjellësh në atë dashuri,
Që pa të gjaku damarëve ngrin,
E në fakt është e vetmja mrekulli,
Ku alfa e omega është shpirti, ai!
✍️Gjelina Maçi Keci
( E botuar)
